ყვარლის მუნიციპალიტეტის მერის ვიზიტი CIU-ში

ყვარლის მუნიციპალიტეტის წარჩინებული მოსწავლეები კავკასიის საერთაშორისო უნივერსიტეტის 500 ლარიან ყოველწლიურ სასწავლო გრანტს მიიღებენ.

დაფინანსების დამადასტურებელი სერტიფიკატები ყვარლის მუნიციპალიტეტის მერს გივი ზაუტაშვილს კავკასიის საერთაშორისო უნივერსიტეტის რექტორმა კახაბერ კორძაიამ გადასცა.

წარმომადგენლობით დელეგაციასთან ერთად ვიზიტის ფარგლებში, გივი ზაუტაშვილმა  უნივერსიტეტის კანცლერი ყვარლის საპატიო მოქალაქის წოდების დამადასტურებელი სიგელითა და მედლით დააჯილდოვა.

ვახტანგ წივწივაძეს 2023 წლის 8 ნოემბერს ყვარლის საპატიო მოქალაქის წოდება მულტიმედია ცენტრის პროექტის, დოკუმენტური ფილმების ციკლის „ყვარლიდან მთაწმინდამდე გურამ შარაძის მოტივებზე“ განხორციელებაში შეტანილი განსაკუთრებული წვლილისათვის მიენიჭა.

შეხვედრას, კავკასიის საერთაშორისო უნივერსიტეტის აკადემიურ და ადმინისტრაციულ პერსონალთან ერთად, მოწვეული სტუმრები ესწრებოდნენ.

დელეგაციის წევრებმა უნივერსიტეტის ბიბლიოთეკა, მულტიმედია ცენტრი, სამედიცინო ლაბორატორიები, მევენახეობა-მეღვინეობის ფაკულტეტის მატერიალურ-ტექნიკური ბაზა და მარანი ,,კოლხი“ დაათვალიერეს.