გდანსკის უნივერსიტეტის (პოლონეთი) მედიალინგვისტიკის მიმართულების პროფესორების ვიზიტი

CIU-ს გდანსკის უნივერსიტეტის (პოლონეთი) მედიალინგვისტიკის მიმართულების პროფესორები ეწვივნენ. ვიზიტი ევროკავშირის განათლების მხარდაჭერის პროგრამის (Erasmus+) ფარგლებში ხორციელდება.
 

სტუმრები კავკასიის საერთაშორისო უნივერსიტეტის წარმომადგენლებს შეხვდნენ, რის შემდეგაც CIU-ს ინფრასტრუქტურა და მატერიალურ-ტექნიკური ბაზა დაათვალიერეს.
 

შეხვედრაზე ორ უმაღლეს სასწავლო დაწესებულებას შორის ნაყოფიერი თანამშრომლობის მნიშვნელობაზე ისაუბრეს და სამომავლო პერსპექტივებიც დასახეს.
 

ვიზიტის ფარგლებში, 5 ივნისს კავკასიის საერთაშორისო უნივერსიტეტში დაგეგმილია სამეცნიერო სემინარი: „ენა, მედია და საზოგადოება ციფრულ ეპოქაში“. ფორუმის მიზანია ციფრული ტრანსფორმაციის შესწავლა; მედიის როლის გააზრება; ენობრივი ცვლილებების კვლევა; ინტერდისციპლინური დიალოგის ხელშეწყობა; გამოწვევების იდენტიფიცირება; კვლევითი შედეგების წარდგენა და პრაქტიკული რეკომენდაციების შემუშავება.