საერთაშორისო სამეცნიერო კონფერენცია და გამოცემა

„კლიმატგონივრული რეპორტინგი და კომუნიკაცია“ სამხრეთ კავკასიაში პირველი აკადემიური და ანალიტიკური პლატფორმაა.

9-12 დეკემბერს დაგეგმილი ღონისძიება პრეზენტაციებს, კვლევით ნაშრომებსა და დარგობრივი ექსპერტების მონაწილეობით გამართულ პრაქტიკულ განხილვებს აერთიანებს.

კონფერენციის მიზანია:

· კლიმატისა და აგროსაკითხების გაშუქების საუკეთესო პრაქტიკებისა და არსებული გამოწვევების იდენტიფიცირება;
· სოფლისა და ფერმერული თემებისთვის, ინფორმირებულ კომუნიკაციაზე დაფუძნებული ზეგავლენის, სოციო-ეკონომიკური შედეგების შეფასება;
· განათლების, საზღვრისპირა თანამშრომლობისა და მედიაპარტნიორობის როლის ხაზგასმა;
· კლიმატგონივრული კომუნიკაციის თემაზე ხანგრძლივი რეგიონული კვლევისა და საგანმანათლებლო ქსელის საფუძვლის შექმნა.

აღსანიშნავია, რომ კონფერენცია ითვალისწინებს მედია დაჯილდოების საზეიმო ცერემონიას. გამოვლინდებიან საერთაშორისო მედიაკონკურსის გამარჯვებული ჟურნალისტები, რომლებმაც ეფექტურად და შემოქმედებითად გააშუქეს კლიმატის ცვლილება, მდგრადი სოფლის მეურნეობა და ადგილობრივი განვითარების საკითხები.

ღონისძიება წარმოადგენს ჟურნალისტიკის რესურსცენტრის (JRC) ინიციატივას, რომელიც სხვადასხვა დროს საქართველოში, სომხეთსა და აზერბაიჯანში განხორციელდა. აქტივობა, კლიმატგონივრული ჟურნალისტიკისა და აგროკომუნიკაციის მიმართულებით, უნივერსიტეტებსა და რეგიონულ მედიას შორის საგანმანათლებლო თანამშრომლობის გაძლიერებას უწყობს ხელს.

 

დეტალები იხილეთ პროგრამაში