კავკასიის საერთაშორისო უნივერსიტეტის კანცლერს ვახტანგ წივწივაძეს მულტიმედია ცენტრის პროექტის, დოკუმენტური ფილმების ციკლის „ყვარლიდან მთაწმინდამდე გურამ შარაძის მოტივებზე“ განხორციელებაში შეტანილი განსაკუთრებული წვლილისათვის ყვარლის საპატიო მოქალაქის წოდება მიენიჭა.
ილიაობის სახალხო დღესასწაულზე გამართულ დაჯილდოების ცერემონიას საკანონმდებლო, ადგილობრივი ხელისუფლებისა და ბალტიისპირეთის ქვეყნების დელეგაციის წარმომადგენლები ესწრებოდნენ.
მულტიმედია ცენტრის დოკუმენტური ფილმების ციკლის პრეზენტაცია ილია ჭავჭავაძის სახლ-მუზეუმში მოეწყო.
საზოგადო მოღვაწის მამულში სასულიერო პირებმა წმინდა ილია მართლის პარაკლისი აღავლინეს. სტუმრებს ეთნოგრაფიულ კუთხეში ადგილობრივი კერძების მომზადებისა და დეგუსტაციის შესაძლებლობაც ჰქონდათ. სახალხო დღესასწაულის მონაწილეებმა ილია ჭავჭავაძის ბარელიეფი ყვავილებით შეამკეს.