უმაღლეს სასწავლებლებში აგროჟურნალისტიკის, როგორც ცალკეული სასწავლო დისციპლინის დანერვგვის პერსპექტივა და მნიშვნელობა - აღნიშნულ თემაზე კავკასიის საერთაშორისო უნივერსიტეტის მულტიმედია ცენტრის ხელმძღვანელმა, ნინო ჭალაგანიძემ სპრინგფილდის ცენტრის კონსულტანტთან შეხვედრისას ისაუბრა.
რეიჩელ შაჰი, „მერსი ქორფსის“ მხარდაჭერით, საქართველოში, ინფორმაციის დამუშავებისა და გავრცელების თანამედროვე გზებს, აგროჟურნალისტიკის განვითარების დინამიკასა და აღნიშნული პროცესში უმაღლესი სასწავლებლების როლს იკვლევს.
„ინფორმაცია არის ძალიან მნიშვნელოვანი განვითარებისათვის. ჩვენ ჯერ კიდევ ბევრი უნდა ვისწავლოთ, როგორ ვიმუშავოთ ინფორმაციაზე. ჩემი მიზანიც სწორედ ესაა - გავიგო, რას ვაკეთებთ ამ კუთხით. რაც შეეხება აგროთემატიკას, ჩემი კვლევების მიხედვით, ჟურნალისტებისთვის მოცემული დარგი არ არის პოპულარული. მათთვის ბევრად საინტერესო პოლიტიკა, ეკონომიკა და სხვა მსგავსი მიმართულებებია. რეალურად, ინტერესი და მოთხოვნა დიდია აგროსაკითხების მიმართ. ჟურნალისტებს ჭირდებათ უნარები, გზები, იმისათვის, რომ გააშუქონ აგროთემები. ამისთვის კი საჭიროა მეტი ლექციები, ტრენინგები, სემინარები...” - აცხადებს რეიჩელ შაჰი.
კსუ მულტიმედია ცენტრში გამართულ შეხვედრას მერსი ქორფსის პროგრამის „ალიანსები მცირე კავკასიაში“ ინფორმაციის კოორდინატორი ნონა სამხარაძეც ესწრებოდა. მან დარგის განვითარების პროცესში უნივერსიტეტების როლზე ისაუბრა.
“ჩვენ პერიოდულად ვხვდებით ფერმერებს. მათ სჭირდებათ ხარისხიანი აგროინფორმაცია. ამის გამტარი უნდა იყოს სტუდენტი, რომელიც გახდება შემდეგ ჟურნალისტი. აქედან გამომდინარე, თოთოეულ ჟურნალისტს უნდა მიეცეს საშუალება გაიაროს შესაბამისი კურსი.” - მიიჩნევს ნონა სამხარაძე.
ნინო ჭალაგანიძემ სტუმრებს აგროჟურნალისტიკის დარგის განვითარების პროცესში უნივერსიტეტის როლი და სამომავლო გეგმები გააცნო. შეხვედრის დასასრულს მულტიმედია ცენტრის ხელმძღვანელმა მსგავსი კვლევების მნიშნელობაზეც გაამახვილა ყურადღება.
“მიწათმოქმედთა უძველეს ქვეყანაში, რასაც მისი სახელწოდება „გეორგიაც“ ადასტურებს, სოფლის მეურნეობის საკითხების მედიაგაშუქება არასისტემური და ფრაგმენტულია. საჭიროება კი - ცხადზე ცხადი. მოხარული ვარ, რომ ჟურნალისტიკის რესურსცენტრთან ერთად, სწორედ კავკასიის საერთაშორისო უნივერსიტეტის მულტიმედია ცენტრია ამ საუკეთესო წამოწყების ფლაგმანი და, სულ რაღაც ორ თვეში, დღის სინათლეს იხილავს ოთხენოვანი სახელმძღვანელო "კონსტრუქციული აგროჟურნალისტიკა". ამ და კიდევ არაერთ მნიშვნელოვან თემაზე ვისაუბრეთ დღეს ჩვენს სტუმართან, ქალბატონ რეიჩელთან, რომელიც ჩვენს რეგიონში დარგის განვითარების პრობლემებს იკვლევს. მგონია, შეხვედრა იმიტომ იყო მნიშვნელოვანი, რომ ორივე მხარემ ძალიან ცხადად და თვალსაჩინოდ გავაანალიზეთ როგორც წინაღობები, ისე პოზიტიური ტენდენციები და პრევენციის მეთოდებიც შევიმუშავეთ." - განაცხადა ნინო ჭალაგანიძემ.
დარგის განვითარების მიზნით, კავკასიის საერთშორისო უნივერსიტეტი „ჟურნალისტიკის რესურსცენტრთან“, შვეიცარიის განვითარებისა და თანაშმრომლობის სააგენტოსთან და „მერსი ქორფსთან“ 2016 წლიდან აქტიურად თანაშრომლობს.
აღნიშნული პარტნიორობის ფარგლებში, კავკასიის საერთშორისო უნივერსიტეტში არაერთი ტრენინგი და სემინარი ჩატარდა. აღნიშნული ღონისძებების მიზანი სამხრეთ კავკასიის ქვეყნების ფერმერთათვის საერთო საინფორმაციო სივრცის შექმნა. გამოცდილების გაზიარების გზით, ფერმერთა ინფორმირებულობის დონის გაზრდა და ცოდნაზე დაფუძნებული მეურნეობების განვითარების ხელშწყობა იყო.